طريقة تحضير المكرونه بالخضار

طبق مكرونه بالخضار

 

طريقة عمل مكرونه بالخضار طريقة سهله وسريعه

المكرونه من الاكلات المحببه لينا كبار واطفال ومن اكتر الاكلات اللى ممكن منزهقش منها وليها طرق كتير ومتنوعه والنهارده حنعمل طريقة منهم بكوبايه مكرونه وحده حنعمل احلا طبق مكرونه بالخضار الطريقة سهله وبسيطه ومش حتاخد معاكى اكتر من ربع ساعه وكلى بعدها احلا واطعم مكرونه بالخضار ممكن تعمليها.

مكونات المكرونه بالخضار

كوب مكرونه

بصله متوسطه

حبة طماطم

فلفل الوان

قرن شطه

2 فص ثوم

مكعب مرقه

ملح

فلفل

ملعقة كبيره صلصه

تلاته الى اربعه ملاعق كبيره زيت

كوب ماء بنفس كوب معايره المكرونه

 

طريقة عمل المكرونه بالخضار

مدة التحضير من ربع ساعه الى عشرون دقيقه

حنجيب طاسه على النار او ممكن كمان تعملى ف حله لو مش متوفر طاسه واسعه وبعدين حنحط فيها المكرونه بدون سلق وبعدين حنحط كل المكونات عليها كالتالى حنحط كوب مكرونه وبعد كده حنحط بصله متوسطه وده بعد مانجهزها ونقطعها مكعبات صغيره وكمان حنحط بعد كده حبة طماطم وبرده بعد مانشيل العنق بتاعها ونقطعها هى كمان لقطع او مكعبات صغيره  وكمان حنقطع الفلفل الالوان والاخضر لقطع صغيره وطبعها الكميات بتبقى حسب احتياجك او حسب رغبتك ممكن تكتريها او تقلليها مفيش اى مشكله بس طبعا لازم يكون فيه توازن فى المكونات وانتى حتكونى ادرى بطبخك وتشوفى اللى تحبيه حنحط بعد كده قرن شطه بعد مانقطعه شرايح صغيره وطبعا ممكن تستغنى عن الشطه لو مش بتحبى الاكل سبايسى بعد كده حنجيب

2 فص ثوم ونفدغهم باننا نقشرهم ونحطهم تحت سلاح السكينه ونخبط عليها بحيث يبقى الفص زي ماهو ولكن بيكون مفدوغ وبعد كده نحط مكعب مرقه وده بيدينا طعم حلو لما يدوب فى قلب المكرونه وقت السوا وكمان حنحط ملعقه كبيره من الصلصه المعلبه وحوالى تلات الى اربع معالق كبيره زيت ونظبط الملح بتاعنا ونخلى بالنا اننا حاطين مرقه عشان الاكل ميطلعش معاكى حادق وكمان نحط الفلفل وكميته حسب رغبتنا ونراعى مكعب المرقه اوعى تنسى  بعد كده نجيب كوب ماء وده حيكون بنفس الكوبايه اللى عايرنا بيها المكرونه ونحط المكونات دى كلها على النار ونقلبها كويس لحد مالصلصه والملح ومكعب المرقه يدوبوا فى الميه ونسيبها لما الميه تبدا تغلى معانا

تقدرى  تتابعى معانا الطريقه من خلال الفيديو التالى على قناتنا على يوتيوب :

ومتنسيش تعملى اشتراك للقناه وكمان فعلى زر الجرس عشان يوصلك كل جديد وتقدرى كمان توصلى لقناتنا من خلال الضغط على شعار القناه

 

اول ما الميه تغلى معانا حنبدا نوطى عليها النار ونغطى الطاسه لمده 10 دقايق بالظبط بعد كده بنشيل الغطا ونزود نص كوبايه ميه او اكتر على حسب مانتى شايفه درجة سوا المكرونه معاكى او حسب مانتى حابه المكرونه تبقى جوسى اكتر .

بعد كده حنقلب المكرونه ونغطيها تانى لمده عشر دقايق تانيه وكل شويه نكشف الغطا ونديها تقليبه عشان نضمن انها متلزقش بعد ماتكمل معانا من ربع ساعه لتلت ساعه حتكون المكرونه استوت معانا وتقدميها بقى لاسرتك ولاولادك ومعاها فراخ مشويه او فراخ بانيه والبطاطس المحمره وبالف هنا وشفا

ومتنسيش تدعمينا باللايك القمر بتاعك وتعليق حلو يشجعنا اننا نكمل ونقدملكوا احلا وألذ الوصفات من كل مكان وكمان بمكونات اقتصاديه . معانا دبرى ووفرى

لو عجبتك وصفة المكرونه بالخضار تقدرى تطبقيها وتبعتيلنا تطبيقاتك على صفحتنا على الفيسبوك وحتلاقوا اللينكات فى وصف الفيديو وكمان اسفل التدوينه

صفحتنا على فيسبوك

قناتنا على يوتيوب

Tags:_{( Related searches on google )}

مكرونه بالخضار طريقة عمل مكرونه بالخضار طريقة تحضير المكرونه بالخضار وصفه مكرونه سريعه اسهل وصفة مكرونه اسرع واسهل طريقة لعمل المكرونة معكرونة بالخضار مكرونه متكامله بالخضار مكرونة فى حله واحده