 |
| بالفيديو طريقة عمل الجاتوه شاتوه بالشيكولاته بمكونات اقتصادية جدا |
مقدمة
الجاتوه من الحلويات المحببه جدا للاطفال وكمان
الكبار وليه طرق كتير لصنعها فيه جاتوه شيكولاته وجاتوه فانيليا
وجاتوه الريد فيلفيت وانواع كتير بعضها بيكون اكتر من طبقة والبعض الاخر
بيبقى طبقه كيكة وعليها طبقه كريمة وبعديها طبقة الصوص وده اللى حنعرفه النهارده
فى المقال ده عن طريقة عمل الجاتوه شاتوه بالشيكولاته حيكون غرقان فى
الكريمة والصوص بتاعه منه فيه وغرقان على الوش وسايح على الجناب تابعوا معانا
وحتلاقوا فيديو فيه كل تفاصيل طريقة عمل جاتوه شاتوه الشيكولاته باقل التكاليف
ومكونات اقتصاديه جدا بيضتين وكوباية دقيق
مكونات الصوص
كوب سكر
كوب زيت
نصف كوب كاكاو خام
كوب لبن
مكونات الكيك
الصوص المصنوع مسبقا
كوب دقيق
2 بيضه
رشه فانيليا
ملعقة كبيرة بيكنج بودر
مكونات طبقة الكريمة
ملعقتين من الصوص
كوب لبن مثلج
2 كيس كريم شانتيه
طريقة التحضير
اولا طريقة تحضير الصوص :
فى البدايه سوف نقوم بتحضير صوص الشيكولاته وذلك
لانه المكون الرئيسى فى جميع الخطوات من صناعه الكيك وايضا طبقة الكريمة والطبقة
النهائيه.
نحضر الخلاط ونضع فيه كوب من اللبن وكوب من الزيت وكوب
من السكر ونصف كوب من الكاكاو الخام ويتم خلط المكونات جيدا بالخلاط الكهربائى حتى
يصبح القوام سميكا ويدوب السكر يمكن ان نضيف اللبن والكاكاو والسكر ونضربهم فى
الخلاط ونقوم باضافة الزيت سرسوب من فتحة الخلاط.
بعد عمل الصوص نقوم بحجز كوب منه حتى نكمل باقى
الخطوات....
ثانيا تحضير الكيك
بعد عمل الصوص وحجز كوب منه ناخذ ماتبقى من الصوص فى
الخلاط ونضع عليه عدد 2 بيضه ورشة فانيليا ونقوم بخلطهم جيدا فى الخلاط الكهربائى
سوف نجد ان القوام اصبح سائلا اكثر نقوم بافراغ المكونات من الخلاط فى بوله ونحضر
المنخل ونضع به كوب من الدقيق وملعقه كبيره من البيكنج بودر وننخلها على الصوص
السائل بالبيض ويجب نخل الدقيق حتى لا يكون هناك تكتلات من الدقيق داخل الخليط حتى
يكون القوام ناعما ويكون الكيك ناجحا معكى.
ثم يتم خلط المكونات جيدا حتى نحصل على القوام المناسب
.اذا وجدتى ان القوام متماسك زياده عن اللزوم يمكنكى اضافة القليل من اللبن حتى
تصلى لقوام الكيك المناسب.
نقوم بعد ذلك بدهن الصينية المراد عمل الكيك بها بالزيت
او السمن وتبطينها بالدقيق حتى لا يلتصق الكيك بها ثم نقوم بوضع الخليط ونقوم
بتوزيعه على الصينية .
يجب اثناء تحضير هذه الخطوه ان تقومى بتسخين الفرن على
درجة حراره 180 حتى يوضع خليط الكيك بعد تجهيزه مباشره .
توضع الصينية فى الفرن المسبق التسخين كما عرفنا مسبقا وبعد
ربع ساعه حتكون استوت معاكى وممكن تختبريها بعود خشبى لو العود طلع نضيف يبقى
الكيك استوى معاكى بتنتظرى لما الصينية تهدى شويه وتقلبيها على ورق زبده وتغسلى
الصينية استعدادا للخطوات التاليه
ثالثا تحضير طبقة الكريمه
فى بولة المضرب الكهربائى نقوم بوضع 2 كيس من الكريم
شانتيه وعليهم كوب من اللبن المثلج ويمكن عمل اللبن المثلج بطريقتين اما ان تضعى
اللبن بالفريزر نصف ساعه او ان تضعى مكعبات الثلج على اللبن وذلك حتى تحصلى على
افضل نتيجة لضرب الكريم شانتيه .
نقوم بعد ذلك بالخفق للمكونات عن طريق المضرب الكهربائى
حتى يتضاعف الحجم ونحصل على القوام المناسب ثم ناخذ ملعقتين من كوب الصوص الذى
قمنا بحجزه مسبقا ونضعهم على خليط الكريم شانتيه ونستمر فى الخلط حتى تختلط
المكونات جيدا ببعضها ويوضع الخليط فى الثلاجه حتى تبرد الكيكه تماما.
بعد ان قمنا بتحضير الكيك والكريمة وتركنا الكيكة تبرد ناخذ الكيك ونضعه مقلوبا فى الصينية التى خبزنا بها الكيكه ونحضر خليط الكريم شانتيه ونقوم بوضعه على الوجه ونفرده جيدا ثم بعد ذلك نحضر باقى الصوص الذى تركناه ونقوم بتخفيفة بمعلقتين لبن ونستمر فى التخفيف حتى نحصل على القوام المناسب يمكنكم معرفة كل التفاصيل من خلال مشاهدة الفيديو من قناه ست البيت على اليوتيوب فى اخر المقال ثم نقوم بوضع الصوص على وش الكريمة والكيك ونضع الصينية بالتلاجة 3 ساعات على الاقل حتى تتماسك طبقة الكريمة والصوص قليلا ثم نخرجها ونقطعها وتقدميها زى ماتحبى وبالف هنا وشفا
فيديو طريقة عمل الجاتوه شاتوه بمكونات اقتصادية
Tags:( Related searches on google )
ليست هناك تعليقات:
إرسال تعليق